Pasamuhan Pangawi Bali dan Sewamara Kesusastraan Bali ke II/Suara Saking Kawahe
sampunang jero, ngendahang titiang
pianak titiange ngeling uling tuni
ipun jagi kasekolah
tan madrewe jinah
surya sampun tegeh
napi artin ipun
jadma lacur dados tatandalan
uling titiang inget
titiang gelem ungkak - angkik
sira sane nguwehin jinah
jagi anggen naur dokter
setrane sampun nampek?
malih pidan jagi kaambil
titiang ngiring pakayun
IDA SANG HYANG TITAH
madrewe
makudang-kudang warsa sampun liwat
mangkin matan-aine banter
nyanan bulane galang
titiang kantun maguyang ring endute
awak titiange dingin
angin asiu ngarung awak titiange
kakaput antuk bintang-bintang [ 12 ]wenten sane ngabarin titiang
jagate sampun becik
malih pidan ilang para panyelewenge?
tan wenten sane koropsi?
titiang ngelengang tendas
napi jagi atur titiange
manah titiange sungkan
wong napine pacang mamanggih bagia?
pantu-pantu nganembulan kaampung
pala wija ring pala gantunge sami nadi
sawireh matanaine lawan titiang sai-sai
ujan magulungan ngamuk
titiang kantun ring tengah sawahe
nulud uma apang nyarang
titiang jagi enggal mamula
buruh-buruh alite kerta raharja?
polih sasayuban nyabran rahina?
pabrik-pabrike idup peteng lemah
pelabuhan rame
titiang majejer nuunang barang
ombake gede ngaplug jembatan
angine baret makuwus ngelinus
buk nampel mata
titiang ngidem mondong barang [ 13 ]titiang sami cerik-cerik
dados jadma belog buin tiwas
merah-merah peteng lemah
basange puyung keriak-keriok
nanging titiang tetep ngacep WIDDI
dumadak IDA tebeg ring titiang
pianak somah titiange rahayu.